كانت هزار وقلبت بجد

كانت هزار وقلبت بجد عارفين قصة المهرج اللى طـُلب منه ان يسخر من المسيحين وطقوسهم أمام أحد الملوك ليرضيه جاب جرن زى المعمودية وقعد يهرج حوليه وبعدين غطس فيه تلات مرات بتريقة وسخرية ولما خرج من الجرن التقليد ده قال أنا مسيحى وبقى الحاضرين يضحكوا فاكرينه مستمر فى التهريج لكن فضل يقول أنا مسيحى ...انا مسيحى وكان جادا انه تحول فعلا للايمان بالمسيح وفى النهاية أمر الملك بقطع رأسه . وطبعا عارفين حكاية الأب دانيال وازاى أن حرامى استغل اسمه عشان يهرب من موقف وجوده فى الدير وهو بيسرق قدام أحدى الأمهات الراهبات وكانت عمياء فلما طلبت بركته بغسل أرجله وبإيمانها غسلت عينيها من نفس ماء غسيل أرجله فتحت عينيها . وأمن الحرامى وقدم توبه . قريت من فترة كبيرة عن احد الاباء واعتقد اسمه الانبا أمون كان متوحدا و بعت له عدو الخير إمرأة شريرة عشان توقعه فى الخطية وبعد فترة وسوس عدو الخير لأحد أباء البرية أن الأنبا أمون يسمح بأقامة إمرأة عنده فراح الأب ليوبخ الأنبا امون على الموضوع ده ولما وصل هناك شاف المراة وفهم طبعا الانبا أمون هدف الزيارة فقال للمرأة انها تجهز لهم أكل ونادها قائلا ( أعدى لنا طعاما يا ساذج ) فقامت المرأة وأشعلت نيران و و ونزلت وسط النيران ورفعت ايديها للسما وصلت كتير بنكون رايحين نهرج او نستخف لكن نعمة الله القوية تحول هذا التهريج لعمل جليل لو ذكرنا امثلة هنلاقى كتير لكن مش معنى ده انها تكون قاعدة بس لو شفت انسان بيهرج فى امور الحياة الروحية وتاعبك فى خدمتك بسبب ده أصبر وصلى له هتلمسه النعمة ويبقى هزار يقلب بجد

متشكرين جدا على كل ما ترسليه لنا وللخدمة

العفو دى ابسط حاجة اقدر اقدمها
وشكرا لحضرتك جدا