2 مشترك

شوارع القاهرة

emy: ملاك مشرف; رقم العضوية : 4
البلد - المدينة : egypt
عدد الرسائل : 2189
شفيعك : الملاك ميخائيل
تاريخ التسجيل : 03/07/2007

مساهمة رقم 1

شوارع القاهرة

مُساهمة من طرف emy الخميس 17 يوليو 2008 - 13:34

شوارع القاهرة متقسمة حكايات
فيها اللي يفرح وفيها للنكد آيات
فيها شهامة ولاد الأصل في الأزمات
بين السيول والزلازل حتي في الخناقات
شوارع القاهرة فيها المحافظ فات
وكل موكب مادام قدامه موتسيكلات
والخلق يتعطلوا عن شغلهم ساعات
أصل الإشارة دي معمولة لفئات وفئات
شوارع القاهرة فيها شريط «عنايات»
وأبصر إيه اسم ابوه بالإنجليزي «رات»
المغني عنده ده أسوأ نص في العقوبات
إسفاف وقلة أدب نصبح عليه ونبات
شوارع القاهرة فيها ولاد وبنات
وفيها زير تعرفه من غمزه للستات
وفيها لوح مد إيده يشحت الحسنات
والبياعين ع النواصي يهدموا اللذات
ويخرجوك من هدومك لو ماقلتش هات
بالذات في وسط البلد وسط البلد بالذات
شوارع القاهرة مليانة أجزاخانات
تمن الدوا فيها أغلي من المريض لو مات
حكم الحكومة بتدفع ع الشهيد جنيهات
شوارع القاهرة زي اتفاق الجات
ما حد عارف حيمشي ولا باين فات