اسئلة اطفال

ما هو الرد على اطفال ابتدائى عندما يتسالون عن لاهوت المسيح ، مثل
1- ازاى بابا يسوع بيصلى مش هو ربنا ؟
2- ازاى الناس اللى عزبوا بابا يسوع عملوا كدة هما مش عارفين انه ربنا ، طب ازاى هما مش عارفين انه ربنا واحنا عارفين ، طب واحنا عرفنا منين ؟
3- او اسئلة عن قصص فى الكتاب المقدس والتى فيها يعاقب الله الابناء بذنب ابيهم مثل قصة عخان ابن كرمى ، فما الرد هنا ( انا ككبيرة وخادمة لا اعرف ماهو الرد السليم ) ؟

لكل واحد فينا ليه صفات يعنى كلنا بناكل ونشرب وننام ونكبر ونضحك ونبكى دة اسمه( ناسوت) ببساطة ممكن تتوصف صفات اى انسان
اما( اللاهوت) هى صفات لله وحده زى انه بيخلق هو خلق الانسان و خلق الكون كله الارض والسما والبحار والنجوم والشمس والقمر ماحدش فينا يقدر يعمل زييه وانه مالوش بداية ولا نهاية ويقدر يعمل اى حاجة اى حاجة مايقدرش عليها اى انسان اكتر من اى حاجة ممكن نتخيلها ربنا ممكن يعملها دى ببساطة ممكن يقبلها الطفل
الجزء التانى: يسوع وهو على الارض كان بيعلمنا كل حاجة حلوة عايزنا نعملها كان بيعلمنا ازاى نصلى ازاى نسامح بعض بيعلمنا نعمل الخير بيعلمنا ازاى نخدم ونحب بعض علشان كدة كان بيصلىوهو على الارض يعنى عايزنا نتعلم منه .
الناس زمان ما كانتش عارفة ربنا لان الشيطان كان جواهم بيخليهم مش بيصدقوا يسوع ولا عارفين انه ربنا واكيد كمان هما مش متعمدين وعلشان كدة مافيش فيهم الروح القدس اللى هى جوانا من وقت عمادنا وعلشان كدة احنا مصدقين يسوع ومؤمنين بيه وبنحبه وعرفناه زى ماقلنا من ماما وبابا دايما بيكلمونا عليه وكمان الكنيسة علمتنا ازاى نحب يسوع لانه بيحبنا كلنا لانه بيعملنا كل حاجة حلوة وبيدينا نعم كتير لانه هو اللى خلقنا

ميرسى تير على اهتمامك وردك على اسئلتى بس مازال سؤال معلق وهو اخر سؤال ، لية ربنا بيعاقب الابناء بذنب الاباء؟؟؟

أختى العزيزة نورا أسئلتك حلوة أوى ومهمة جداً وبالذات فى مجال الرد على الأطفال ده شئ غاية فى الأهمية وأنا ممكن أرد على أسئلتك ديه لكن طبعاً مش هفيدك بنسبة 100% فلماذا أختى العزيزة لاتلجأى إلى أبينا المحبوب قدس أبونا جرجس المشرف على منتدى سؤال لأبونا هو أكيد هيفيدك جداً

لما اخطأ ادم وقتها ربنا زعل منه جدا وعاقبه وكان عقابه شديد لأن ادم اخطأ فى الله نفسه ولم يطيعه علشان كدة كان عقاب ادم ان كل نسله يرث الخطية ومنعهم من دخول السما لانها كانت خطية كبيرة لكن دة انتهى لما الله اتجسد وخلصنا من الخطية دى ومحاها عن كل البشر ومن وقتها كل واحد بيتعاقب على خطيته هو بس