ابونا رافائيل يحكى قصة إنتقال ابنه برنابا. ( علم بموعد انتقاله )الى السماء

ش

كرا جدا جدا ياباشمهندس ادمن على هذه القصة العظيمة لهذا الكاهن الورع الذى يحكى نياحة ابنه ليعظى

الناس بسيرته العطرة . كم من اشخاص يحتاجون ان يستمعوا لهذه السيرة العطرة وانا اولهم لكى يتعلموا من هذا الشخص الصغير فى السن علاقته بالله .
لى طلب عند حضرتك لو اردت ان تساعدنى فيه اريد رقم تليفون المنزل او الموبيل للابونا روفائيل اتمنى ان اتحدث معه لالكى اعزيه هو انسان متعزى والمسيح سانده وعرف مصير ابنه وهذا هو الاهم فرحان لانه متاكد انه مع المسيح .لكنى انا التى محتاجة ان يعزينى ويقوينى حتى اتقوى فى حياتى فعلا محتاجة .
وانا عرفت ان تاريج نياحته عد عليها مدة كبيرة اقصد من ذلك ان قدس ابونا ممكن يوافق ان يتحدث معى وخاصا انا محتاجة له وثانيا ان ابونا ربنا سانده قوى بقوة الهية حتى استطاع ان يتحدث بهذه القوة لتكون قصة ابنه تبشير للناس .
انا فى انتظار ردك ياباشمهندس وشكرا

بالطبع انا نفسى اواسيه شخصياً ولكن للاسف انا لا اعرفه شخصيا لكن كل رسالة تأتى هنا هى عبارة عن رسالة تعزية لهذا الاب وتهنئة قلبيه لهذا الملاك
راجين ان يرفع صلواته من اجل والديه ولكل من عرفوه واحبوه واخيرا من اجل كل اخوته فى البشرية ليساعدهم الرب على اختياز ايام غربتهم على خير

شكرا على ردك لى يامستر ادمن لكن حضرتك ممكن تصل الى ارقام تليفوناته لو حاولت من خلال موقع الملاك بسبب علاقاتك بالاشخاص والمواقع المختلفة التى تقتبس منهم او تراسلهم اقصد دائرةعلاقاتك كبيرةليس مثلى . وخاصا ان ابونا روفائيل من الاسكندرية وليس من القاهرة وانا لااعرف اشخاص ممكن يساعدونى فى الوصول اليه . واحب اوضح لحضرتك اننى ليس اريد ان اوسيه او اباركله على النعمة التى هو فيها بسبب تمسكه بالله العظيم بل انا اريد ان اتحدث معه حتى يعينى ويقوينى فى امر خاص بى حضرتك فهمتنى خطا . اتمنى المحاولة فى توصيلنى اليه وانا واثقة انك سوف تصل اليه لو حاولت . اعذرنى فى طلبى هذا لكنى اعتبرك اخ لى ولذلك وضحت لحضرتك الامر
شكرا على اهتمامك بالرد على وربنا يعوض تعبك معى
فى انتظار رد حضرتك

شكرا لثقتك الغالية دى بس الحقيقة انا معرفش
لكن فى شريط ادوات الملاك
http://elmalak.ourtoolbar.com
وفى القائمة elmalak
وتحت عنوان قبطيات
ومنها شخصيات مسيحية عامة
ادخلى على الموقع المسمى
الشماس عادل ماهر وبرسوم القمص
فى هذا الموقع سوف تجدى دليل تليفونات الاباء الكهنة والاديرة والكنائس
عسى ولعل تجدى ما ترغبين فيه والرب يباركك دائما

عظه شاب علم يوم وفاته
شاب صغير توفي يوم 1_7_2005
أسمة برنابا ... والدة كان أب كاهن أسمة أبونا روفائيل كان فى

الثانوية العامة ,,,, الولد دة عرف يوم نياحتة قبلها بسنة خلال السنة


كان بيعمل حاجات عجيبة جدا
أولا
:
هو من وقت مادخل الثانوية وهو بيتألق من سنة اولى لسنة ثالثة ,, فى

يناير فى أول السنة لما جابو النتيجة علشان يعلقوها فى البيت قال


لوالدتة بلاش تعلقوها دلوقتى خالوها لحد يوم
30/6,,,,فقالت لأبونا فهمت انة علشان أمتحانات الثانوية العامة
فى يوم عيد ميلادة فى مارس والده قاله عاوزين نعمل لك حفلة,,, قالة

لأ يابابا بعد لما أخلص الامتحانات الأنبا متاؤس هايجي ويعمل لى حفلة


كبيرة قوى فى الآسكندرية ودة فعلا حصل
عمليا وأن الأنبا متاؤس هو الى صلى علية و 130 أب كاهن وكل


الآسكندرية أتقلبت ..... لم يقل بعد ماأنجح لأ قال بعد ماأخلص
الأمتحانات هايجي الأنبا متاؤس يعمل حفلة كبيرة قوى لي
أبونا قاله تحب أجيب لك هدية فى عيد ميلادك قالة لأ يابابا أنا هديتى

تعمل لى قنديل فى أوضتى وتكثر البخور وفعلا عمل لة قنديل فى أوضتة
حضرة أخوة ووالدتة
أخر يوم فى الآمتحانات يوم 28/6/2006
,,,,
خلصوا الآمتحانات فنزل مع زملائة يتفسحوا فراحوا كارفور أشتروا حاجات

وفى أخر الجولة أصحابة قالوا لة تعالى ندخل السينما,,,,فرفض
,,,
أصحابة قالوا لة أنت بتغلس علينا قالوا لة
خلاص هانعمل خروجات طول الصيف ومش هانخدك معانا ,,, قال لهم أنا مش

هاجى معاكم وروح البيت بس ضميرة تعب أنة زعل زملائة فسأل أبونا أذا

كان اللى عملة دة غلط قال لة لا أبدا أنت عملت
حاجة كويسة أن مادخلتش معاهم السينما ,,, قالة بس هما زعلوا فأبونا

قال لة خلاص صالحهم بالتليفون ,,,, اتصل بكل واحد وصالحهم ,,, فقال

لة لأ أنا هاروح أصالحهم بنفسى فات عليهم كل واحد
فى بيتة يعتذر لهم كأنة بيودعهم لأنة تانى يوم تنيح وبعدين دخل


الكنيسة يصلى مع زملائة وقالوا امبارح كان بيقول معنا صلاة الغروب

وهو الى كان علية القطعة بتاعة ,,,, عند خروج
نفسى من جسدى أحضرى ,,, بيقولوا قالها بطريقة عجيبة خلتنا كلنا

أهتزينا معرفناش لية بيقولها كدة
,,,,,,,
روح البيت والدة بيقول للأنبا رافائيل ,,, أنا لاقيت وشة منور بطريقة

غير عادية فوالدة بيقول لة يااود أنت أحلويت كدة لية؟؟؟,,, قالة ولسة
أنت لسة ياما هاتشوف ,,,, قال أنة أخد الكلام
بهزار على أن الولد يعنى مبسوط أنة خلص امتحانات ,,,,وان كلمة ياما

هاتشوف دى كلمة هزار
,,,
وبعدين قال لة بابا ممكن تاخدنى فى حضنك خمس دقايق ,, والده أستغرب

قوى لأن دى أول مرة يطلب طلب زى دة فأخدة فى حضنة وبعدين راح لوالدتة

وقال لها خدينى فى حضنك ياماما,,,هو تخين
شوية معرفتش تاخده فى حضنها فقالت لة ياواد أنت كبرت علي ,,,قال

لها معلش أنا هادور على حضن أكبر من حضنك ..... برضة اخدوا الكلام دة

على أنة هزار بيقول فى الشهر الآخير قبل مايتنيح
فوجئوا بيه بيعمل حركة غريبة بيمسك الصليب وبروح لأخوة الأكبر


ويقول لة تعالى أباركك وبروح لوالدتة فتقول لة ياود أيدك تقيلة علي
يوقللها ياماما بس أستحملينى لغاية يوم 30/6
…….بعد كدة مش هاحط ايدى عليكى تانى خالص

...
برضة هما فاهمين أن كل دة علشان الأمتحانات
فى ليلة ماأتنيح قعد مع اخوة فى أوضتة للساعة واحدة ونص يدردشوا مع


بعض فقال لأخوة سيبنى بقة شوية علشان انا مش فاضى قالة لة أنا مش

عاوز أنام خلينى قاعد معاك شوية ,,, قالة لة لا
سيبنى شوية علشان عندى حاجة مهمة عاوز أعملها قال لة وراك اية

هاتصلى ,,, قالة لة أة أخوة قالة طيب هاسيبك نص ساعة وأرجع لك تانى
قال لة لأ ماتجيش قالة لة لية ,, قال لة عندى حاجة
مهمة خالص قالة حاجة أهم من الصلاة قالة لة أيوة
اخوة قالة فى أهم من الصلاة؟؟؟ قالة عندى حاجة أهم سيبنى دلوقتى

,,
فخرج وقفل على نفسة الباب وبعد كدة

,,,
الساعة اربعة الفجر أبوة صحى علشان يصلى فعدى من قدام الأوضة بتاعتة
شاف النور منور ففتح الباب وندة علية برنابا أنت لسة صاحى ؟؟؟

,,,,
ماردش خبط ودخل لقاة قاعد على السرير
ورجلية مدلدلة وظهرة نايم على السرير والأنجيل مكفى على صدرة
والنظارة فى عينة ,,,, والدة قالة اية ياواد دة فى حد ينام بالطريقة

دى ؟؟؟ أنت ياواد أصحى ,,, فمد وسحب الأنجيل من
ايدية وحطة على الكوميدينوا وقعد يهز فية لقاة مش بيتحرك ,,, بيهزة
لقاة تنيح ,, أسلم الروح
عملوا الجنازة ورجعوا البيت أخوة بيدور فى أوراقة لقى أجندة مكتوب
عليها ,,, ممنوع حد يطلع عليها ,, فأبونا اتصل بقداسة البابا قالة

حاللنى ياسيدنا ينفع نفتحها ,, قالة قداسة
البابا طالما هو اتنيح يبقى ينفع
فاتحوها وجدوا أنة كاتب فيها بالتاريخ يوم نياحتة ,,,,,,وكان كاتب
فيها:" ياربى يسوع المسيح ماتخلنيش أخاف من اللحظة دى وياست ياعدرا
لازم تكونى حضرة وتجيبى معاكى قديسين كتير
وملايكة كتير علشان وأنا خارج أكون فى حضنهم
" ...
وحاجات تانية كتير
وكمان أخر يوم فى أمتحانة طلع كل الفلوس الى عندة وأداها لوالده قالة
خد الفلوس دى وزعها على الآديرة ,,, أخوة قال لة طيب أستنى لما

النتيحة تظهر وابقى أنت أوفى الندر ,, قال لة
ماخلاص النتيجة ظهرت وأنا نجحت وجبت ,,, 205 من 205
أليس هذا نموذج للطهارة والقداسة متاحة فى هذا الجيل

من أقوال الآنبا موسى الآسود
من يستهين بحقة فى الجسد يخجل فى صلاتة
للاستماع من هنا

سلام المسيح
ازيك يامستر ادمن لوسمحت اريد ان احتفظ بوعظة ابونا روفائيل التى يروى فيها قصة ابنه اعمل ايه حتى احتفظ بها عندى على طول . لاننى لااضمن الموقع ممكن يشالها فى اى وقت اسيفها ازاى ؟

اهلا وسهلا بك اختنا العزيزة
اسفل صفحة الاستماع للعظة
http://elmalakcomputer.blip.tv/file/2229816/
ستجدى رابط مكتوب download
اضغطى عليه واحفظيه على جهازك
وعلى فكرة ياريت يكون وصلك ارقام تليفونات ابونا رافائيل اعلى هذه المشاركة بمشاركتين
تحياتى وشكرى العميق لاهتمامك

شكرا جدا لابونا رؤفائل على هذة القصة التى اثرت فى كل من سمعها لندرك انة يوجد قدسين وسطنا و معنا و شكرا يا بشمهندس ادمن على جهودك فى كتبتها واتت لنا تليفونات ابونارينا يكمل عملك cry:

فعلاً ياساندرا مازال يوجد بيننا قديسين عظماء يمكن يكون أعمارهم قصيرة وأيام حياتهم على الأرض قليلة إلا إنهم فى مدة قصيرة يستطيعوا أن يصلوا إلى ربنا وتصعد أعمالهم كالبخور الذى رائحته ذكية أمام الرب فيقول لهم الرب نعماً أيها العبد الصالح كنت أميناً فى القليل فأقيمك على الكثير أدخل إلى فرح سيدك وتكوت هذه النفس هى عروس للمسيح الذى أحبها وإختارها ليرفع عنها سريعاً أيام غربتها ويضمها إلى حضنه الذى نسعى له جميعاً لكننا فى أحيان كثيرة نضل ونبتعد ونطول أيامنا ونطيل عذابنا على الأرض
لكننا نأمل أن يغفر لنا الله وألا تطول أيام غربتنا ونعود سريعاً إلى بيتنا الحقيقى وموطنا السماوى
أمين

الكلام جميل . ولكن لى ملحوظة ليس معنى ان ايام الغربة ( العمر بالسنين ) يطول يبقى ده بعيد عن ربنا
ليس مهم عدد السنوات فى الوصول للكمال النسبى وان نعمل الاعمال الصالحة والتى لا تغضب الله لكن المهم فى عمق التجربة الانسانية فى الوصول الى قلب ومحبة ومخافة الله
ويبقى للكلام بقية عندما ارى اثر هذا النقاش على قلوب وعقول احبائنا واخوتنا فى المنتدى !!!!