منتدى الملاك

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الملاك

لك القوة والمجد والبركة والعزة إلى الأبد.أمين +++عمانوئيل إلهنا وملكنا

عزيزى الزائر اذا اعجبك موضوع بالمنتدى يمكنك
أن تضغط على زر أعجبنى اعلى الموضوع
عزيزى الزائر ان اعجبك موضوع يمكنك ان تكون اول من يشاركه لاصدقائه على مواقع التواصل مثل الفيس بوك والتويتر بالضغط على زر شاطر اعلى الموضوع

5 مشترك

    مالك يا ست الكل - قصيدة القيت فى وقفة الشموع - جميلة الى اقص حد

    Admin
    Admin
    Admin


    رقم العضوية : 1
    البلد - المدينة : cairo
    عدد الرسائل : 7832
    شفيعك : الملاك ميخائيل
    تاريخ التسجيل : 30/06/2007

    cc مالك يا ست الكل - قصيدة القيت فى وقفة الشموع - جميلة الى اقص حد

    مُساهمة من طرف Admin الخميس 21 يناير 2010 - 20:07


    farao
    مالِك يا سِت الكُل دَمعِك عالخُدُود
    ماتقَوِّى قَلبِك دَه إنتى أدَّها وأدُود
    عايزِك تِحِسِّى بتَعزِيَه ... وإنسى الحاجات المُؤذِيَه
    وإفتِكرى دايماً يا غاليه رَبِّنا مَوجُود

    ماتدَمَّعيش وبلاش يا أُمِّى تعَيَّطى
    يُوم الأربعين رُوحى الكنيسَه وزَغَرطى
    وِخَيَطى يا أمَّه القَميص إللى إتقَطع
    لَمَّا دَخَل فيه الرُّصاص
    لَو دَمِّى كان عامِل بُقَع
    إبقِى إغسِلِيه بحَبِّة بطاس

    وِنَضَّفِيه يا آمَّه خلاص من كل بَقَع الدَّم
    وَرِّينى ضِحكِتِك الجَميلَه. بَلاش تِشيلى الهَم
    إزَّاى يا أُمِّى تكَشَّرى وأنا فـ هَنا وِسَعيد
    طَب تِعرَفى عَند المسيح أنا إتحَسَبت شَهيد
    مش هُمَّ قَتلونى وَأنا مصَلِّى صَلاة العِيد
    وِعَلَىَّ لِبس جديد وفـ جُوفى قَلب جديد

    طَب تِعرَفى لَمَّا أفتِكِر وأستَرجِع الأحداث
    باأحِس إنى طِلعت فوق عَند المَسيح
    وَيَّا ملاك الذَّبيحه فـ آخر القُدَّاس
    بِتقولى إيه ؟

    قَتلونى من غير لا جريمه وَلا سَبب ؟
    شامِم يا أُمِّى فـ لَهجِتِك رِيحِة غَضب
    بلاش غَضب
    ده إنتى عَلِّمتينى قلبى يبقَى أبيَض
    زَى قَلب عُود قَصَب

    آه صَحيح عَملتوا إيه فـ عيد الغِطاس
    خَلَّصتُوا كام لِبشِة قَصَب وطَعمُه إيه القُلقاس ؟
    مالِك كِده بتتنَهدى ؟
    إيَّاك ماكانشى ليكى نِفس تعَيِّدى!
    لأ عَيِّدى
    وإفتِكرى إن إبنِك شَهيد
    ...
    وماتخافيش
    أنا مش رخيص
    ودمِّى مش هيروح فطيس
    بس خَلِّى الأمر ده على ربِّنا
    ما إحنا أولاد الملك
    ولأننا ولاد الملك ما بنِنتِقِمشى لنَفسِنا

    أنا بَس عايز آقول لُكوا
    إنِّى بِجَد باأحِبُّكوا
    وِلو حقيقى وَحَشتُكوا
    تَبِّتُوا فى إيدين يسُوع
    وِكفايه فى الأرض إتحَرَمت مِن حَنانكوا وحُضنُكوا
    بلاش تروحوا حتَّه تانيه . وأبقى شايفكم وتشُوفونى
    وشىء حايشنى عَنُّكوا
    ماأقدَرش آجيلكُم أو تِجولى لا تِوصَلوا لى وَلا أنا هاأوصَل لُكوا
    تَبِّتُوا فى إيدين يَسُوع
    ماتخلونيش هنا فى السما أفَضَل أعيش وأنا بَردُه مَحرُوم مِنُّكوا
    بحِبُّكم بحبُّكم

    rere meky
    rere meky
    ملاك محب
    ملاك محب


    رقم العضوية : 628
    البلد - المدينة : القاهرة_مصر
    عدد الرسائل : 893
    شفيعك : العذراء مريم والبابا كيرلس
    تاريخ التسجيل : 02/01/2009

    cc رد: مالك يا ست الكل - قصيدة القيت فى وقفة الشموع - جميلة الى اقص حد

    مُساهمة من طرف rere meky الثلاثاء 2 فبراير 2010 - 12:45

    سلام ونعمة رب المجد
    جميله اوى
    كنت اتمنى اكون معاهم
    اعنا يارب دائما مالك يا ست الكل - قصيدة القيت فى وقفة الشموع - جميلة الى اقص حد 215768
    meera
    meera
    ملاك مثالى
    ملاك مثالى


    رقم العضوية : 1643
    البلد - المدينة : egypt
    عدد الرسائل : 314
    شفيعك : الملاك ميخائيل+الشهيدة دميانه+الانبا بيشوى +البابا كيرلس ومارمينا

    تاريخ التسجيل : 09/12/2009

    cc رد: مالك يا ست الكل - قصيدة القيت فى وقفة الشموع - جميلة الى اقص حد

    مُساهمة من طرف meera الأربعاء 3 فبراير 2010 - 21:40

    مالك يا ست الكل - قصيدة القيت فى وقفة الشموع - جميلة الى اقص حد 247553
    تفاح من ذهب فى مصوغ من فضه كلمه مقوله فى محلها
    كلمات جميله ورقيقه دلوقتى هاقدر احتفظ بيها شكرا لك كثيرا

    مالك يا ست الكل - قصيدة القيت فى وقفة الشموع - جميلة الى اقص حد 46957
    000000000000000000000000000

    مالك يا ست الكل - قصيدة القيت فى وقفة الشموع - جميلة الى اقص حد A52
    حنان رضا
    حنان رضا


    رقم العضوية : 1871
    البلد - المدينة : مصر
    عدد الرسائل : 3
    شفيعك : العذراء ومارجرجس
    تاريخ التسجيل : 14/01/2010

    cc رد: مالك يا ست الكل - قصيدة القيت فى وقفة الشموع - جميلة الى اقص حد

    مُساهمة من طرف حنان رضا الخميس 4 فبراير 2010 - 10:27

    بجد القصيدة دي من اجمل القصايد الي سمعتها انا كنت واقفة وماسكة الشموع معاهم ولما سمعتها بكيت زي العيال الصغيرة انتو في حضن المسيح ياولاد الملك اذكورنا امام عرش النعمة ليغفر لنا خطايانا ويرحمنا وزي ما بتحبونا بنحبوكم وكفاية العالم كله بيتكلم عنكم والي ما كنش عرفكم دلوقتي الكل بيهتف باسمكم بنحبكم بنحبكم
    مالك يا ست الكل - قصيدة القيت فى وقفة الشموع - جميلة الى اقص حد 33760 مالك يا ست الكل - قصيدة القيت فى وقفة الشموع - جميلة الى اقص حد 491962
    Admin
    Admin
    Admin


    رقم العضوية : 1
    البلد - المدينة : cairo
    عدد الرسائل : 7832
    شفيعك : الملاك ميخائيل
    تاريخ التسجيل : 30/06/2007

    cc رد: مالك يا ست الكل - قصيدة القيت فى وقفة الشموع - جميلة الى اقص حد

    مُساهمة من طرف Admin الخميس 4 فبراير 2010 - 15:15

    مالك يا ست الكل - قصيدة القيت فى وقفة الشموع - جميلة الى اقص حد 33760
    عظيم ان نجد منا من يهتم ويذهب ويشارك دى روح ايجابية خالص بس ياريت تكونى صورتى حاجة وانتى هناك كفيلم او صور نقدر نحطها هنا على منتدانا فيكون شئ مميز جدا ارجو ان كنتى تملكين افلام او صور تبعتهالى على الميل او ترفعيها انتى وتضعيها فى شماركة منفصلة ورنا يبارك تعب محبتك
    مسعد خليل
    مسعد خليل
    ملاك محب
    ملاك محب


    رقم العضوية : 108
    البلد - المدينة : القاهرة
    عدد الرسائل : 866
    شفيعك : الملاك ميخائيل
    تاريخ التسجيل : 11/11/2007

    cc رد: مالك يا ست الكل - قصيدة القيت فى وقفة الشموع - جميلة الى اقص حد

    مُساهمة من طرف مسعد خليل الجمعة 5 فبراير 2010 - 12:06

    وماتخافيش
    أنا مش رخيص
    ودمِّى مش هيروح فطيس
    بس خَلِّى
    الأمر ده على ربِّنا
    ما إحنا أولاد الملك
    ولأننا ولاد الملك ما
    بنِنتِقِمشى لنَفسِنا
    قصيدة مؤثرة جدااااااااااااا شكراااااااااا ادمن

      الوقت/التاريخ الآن هو الجمعة 29 مارس 2024 - 3:20