بعد نياحة اب اعترافى .. ما العمل

سلام ياابونا
انااب اعترافى راح السما من شهور
وعلشان كان ابويا عارف ظروفى كان مدينى حِِِِِِل انى اتناول فى اى فرصه اقدر اتناول فيها حتى لو مش معترفه قبلها وانالغاية دلوقتى مش قادره اعترف لاى اب تانى
كان الاعتراف بالنسبه لى مش مجرد اعتراف
كان بنت بتكلم ابوها فى اى مشكله تخصها مع الشيطان او حتى اى انسان علشان يلاقيلها حل ويساعدها فى حل المشكله
ومهما كانت خطيتى كنت بقولها لابويا علشان الاقيلها حل من غير اى كسوف اوخوف
علشان كده مش قادره اعترف لاى اب تانى ولغاية دلوقتى باتناول من غير اعتراف خالص(ياترى ينفع اعتمد على الحِل اللى اخدته من ابويا )
وبالنسبه للخطايا الجديده انا باعترف بيهافى صلاتى ولابويا وهو فى السما وبندم عليها وباطلب قوه من ربناوانفذ التدريبات الروحيه اللى كان ابويا قالى عليها
ارجوك يابونا قولى ربنا يقبل توبتى من غير اعتراف لأب كاهن ولا ده ماينفعش
واسفه للاطاله

طبعاً المهم فى الإعتراف هو التوبة لكن ليس معنى ذلك الا يوجد إعتراف نهائياً
نصيحة لكى إعترفى لآى آب كاهن ترتاحى اليه ولو بكتابة الإعتراف بدل من الإعتراف
الشفوى وذلك للتسهيل والتشجيع على الإعتراف

انا بالطبع مش باتكلم باسم ابونا
بس لى ملاحظة
ان الكنيسة اى جماعة المؤمنين لا تتوقف على عطاء احد أغصانها
حتى وان سقط هذا الغصن فهو ينتقل كغصن فى الكنيسة المنتصرة
ونعيش بصلاوتهم التى يرفعونها عن باقى افراد الكنيسة المؤمنة كل حين امام عرش النعمة
ونحن بالتالى نعتقد ان اى غصن فى كنيستنا المؤمنة مثل باقى الاغصان نستطيع نحن جماعة المؤمنون
ان نأخذ من عصارات خبراتهم ونتذوق حلاوة العشرة مع السيد المسيح ونحن هنا على الارض
فاختنا العزيزة يمكنك ان تأخذى احد الاباء الكهنة الذى تستريحين اليه كأب روحى وتشركيه فى حياتك بعلمه وبالاسرار المقدسة الذى ا}تمن عليها وتواظبى على الاعتراف بأمانة وبدموع وتستحقى الاسرار المقدسة
سلام رب المجد معكى