ليه ؟

ليه رئيس الحكومة اسمه نظيف والتلوث قاتلنا؟ :pale:

ليه رئيس مجلس الشعب اسمه سرور والغم راكبنا؟ :o(


ليه وزير المالية اسمه غالي والشعب رخيص؟ 8)

ليه وزير التعليم اسمه هلال والتعليم في الأرض؟

ليه وزير الدخلية اسمه العدل والشعب مطحون ظلم؟

لو عرفت الإجابة اتصل بالحزب الوطني ستحصل على حديد ماركة حديد عز

هههههههه بس وزير التعليم اخيرا اتغير وبقى بدر منور
وعلى حال التعليم يارب يقدر يعمل اللى ماتعملش من ايام مالغوا البكوية والبشوية

رئيس الحكومه اسمه نظيف علشان كده بيوتنا بقت انظف من الصينى بعد غسيله ومتنسيش جيوبنا
ورئيس مجلس الشعب اسمه سرور من اجل اسعاد الساده اعضاء مجلسه ومش مهم ان ده على حساب حرق دمنا
اما السيد غالى الغالى فده لوحده حكايه ربنا يجعل كلامنا خفيف عليه لاحسن يعمل ضريبه على الكلام
اما بدر التعليم الجديد فلو ماظهر مثل ماهوقادم ربنا يقويه بس حبه ديمقراطيه
وبالنسبه للحبيب فاسالى الاقسام والمرور والاضرابات وكل من يمشى هيقول لك العدل فين
اما العز فاسالى عنه الغول النايب
وان كان على الحديد فنحن لن نبنى يكفينا مسلح الفول الفول مش الغول