اريد رائيكم فى هذا الموضوع

Admin كتب:بالطبع فى بيوتنا كثير من الصور والايقونات الخاصة بالسيد المسيح وامنا سيدتنا العذراء مريم
ودى اجمل ما فى بيوتنا حيث النظر اليهم فقط بركة وبيحافظ علينا ونصبح ونمسى وهما فى قلوبنا ونتذكرهم بالشكر فى كل حين . على كل الخيرات اللى ربنا بيارك فيها
بالطبع من غير صور هو موجود بس انا بحس لما باشوف الصورة انه فى فكرى فكل وقت
وربنا يتمجد اسمه فى كل حين والى الابد

emy كتب:حكاية الصور ديه يأستاذنا حكاية كبيرة جداً والحقيقة هى بالنسبة لإعتقادى شخصياً مهمة جداً لأنى بحس بالبركة مالية البيت وإن القديسين محوطين علينا وبيراعونا فى كل أوقات حياتنا ويكفى إننا فى وقت الضيق نتجه مباشرة إلى صورة رب المجد أو أمنا العذراء أو أى صورة شفيع لنا من القيسين ونصلى ونطلب وربنا يستجيب على حسب مشيئته ولكن صدقنى فى ناس حاطة الصور لمجرد زينة الجدران ومش حاسة قدر قيمة هذه الصور ولاقدرتها على الفعل وهو ده العيب لكن الحالة اللى حضرتك طرحتها ديه ممكن يكونوا ناس بروتستانت وهو ده معتقدهم لكن لو أرثوذوكس أو كاثوليك ده مش إعتقادهم بل يتباركوا بصور القديسين ويعطونها إهتمام كبير وآسفة على التطويل

جوزيف كتب:سلام ونعمه للجميع
انا طالب مشوركم....انا اتعرفت من 6 سنين علي بنت وكنت متعلق بيها جداً واتقدمت علشان ارتبط بيها ...لكن لاني ساكن في بلد بعيدة عنها ...اهلها رفضوا الارتباط...وهي استسلمت ...وارتبط كل واحد فينا بشخص تاني ... لكن لسه احنا علي اتصال...وبنشتاق لبعض...ومش قادرين نبعد عن بعض .. بكل المشاعر والاحاسيس اللي اكيد انتو عارفينها .. اعمل ايه ...وايه الحل مش قادر ابعد عنها ولا انساها ...مع العلم اني مش بقابلها غير علي النت او في التليفون ....يعني مشفتهاش من 4 سنين علي الاقل ... برجاء المشورة من غير خطب .... سلالالالالام

filopater nagy كتب:المسيح موجود فى قلوبنا وكل القديسين عيشين ببركتهم وبركة ام
النور اولا واخيرا0ووجود الصور مهم فى بيوتنا ولكن البعض من
البيوت المسيحية قدرتها المالية لا تقدر شراء الصور او تروح
رحلات مع الكنيسة وعزة نفسها لاتقدر تطلب 0 وربنا موجود0
وما رايكم انه هناك بعض المسحيين لا يوجد صليب مدقوق على ايديهم
مع العلم على حسب معلوماتى ان البابا شنودة ليس على يده صليب0
اشكرك على محبتك

geoass76 كتب:سلام للجميع فى البداية تفتكروا لو فيه ناس غاليين علينا او بنحبهم اكيد نحب نعلق صورهم علشان دايما يبقوا قدام عنينا وفاكرينهم ودول بشر زينا فبالاولى صورة رب المجد يسوع لانه المفروض يكون الاغلى فى حياتنا والقديسين الحلوين اللى دايما بيصلو عنا وعلى فكرة فيه معجزات كتير بتحصل من الصور دى حتى لو ما كناش شايفين المعجزات دى بعنينا لكن ببركتهم ربنا بيحوش عنا حاجات كتير ممكن ما نبقاش عاريفنها ومش شرط ان الصور دى تكون غالية حتى لو صور صغيرة وبسيطة زى اللى بيخدوها الاطفال فى مدارس الاحد صلوا لاجلى

rere meky كتب:سلام ونعمه
اكيد الصور موجودة فى مكان فى البيت
او ايقونه او حتى كتاب مصور للاطفال
بس حضرتك مخدش بالك مفيش بيت مسيحى مهما كانت ظروفه الماديه لا تسمح
مفهوش صليب او صور
وكل سنه وانتم طيبيين