منتدى الملاك

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الملاك

لك القوة والمجد والبركة والعزة إلى الأبد.أمين +++عمانوئيل إلهنا وملكنا

عزيزى الزائر اذا اعجبك موضوع بالمنتدى يمكنك
أن تضغط على زر أعجبنى اعلى الموضوع
عزيزى الزائر ان اعجبك موضوع يمكنك ان تكون اول من يشاركه لاصدقائه على مواقع التواصل مثل الفيس بوك والتويتر بالضغط على زر شاطر اعلى الموضوع

3 مشترك

قانون المرور المصري الجديد 2009 ( فتح دماغك )

Anonymous
زائر
زائر


gamal قانون المرور المصري الجديد 2009 ( فتح دماغك )

مُساهمة من طرف زائر الخميس 26 فبراير 2009 - 2:18







نرجو القراءة بتمعن سواء كان عندك عربية أو لا .., من الأخر فتح دماغك

القاعدة الأولى:
لو عربيتك كبيرة أو قديمة ، أستخدم المبدأ القانوني: اللي خايف على عربيته يوسع!!
ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!

القاعده الثانيه:
البوز بيز Booze Base : اللي يدخل ببوز عربيته الأول للتقاطع هو صاحب أولوية المرور! احرص على أن تكون صاحب أول بوز.
ملحوظة: لا تطبق الـ Booze Base مع أي لوري أو أتوبيس ، حرصاً على بوزك لا مؤاخذة.

القاعدة الثالثة:
الإشارات تكشف نواياك للأعداء ، أياك أن تستخدمها!

القاعدة الرابعة:
لا تترك مسافة للأمان بينك و بين السياة التي أمامك فهذا له عدة مخاطر:
1. عربية ثانية هتمليء الفراغ في ثواني و برضه ما يبقاش فيه مسافة بينك و بين الي قدامك ، كل الي كسبته انك اتأخرت لورا شوية.

2. تعطي فرصة للعيال يعملوا غرز قدامك.

3. كل المشاة حيغمضوا عينيهم و يعدوا من الحته دي.
4. الي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب.

الإشارات مش معمولة علشان تنظم المرور ، معمولة علشان شكل القاهرة يبقى متحضر بس!

اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).

القاعدة الخامسة:
اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح ، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!

القاعدة السادسة:
معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!


القاعدة السابعة:
الشارع مكان مقرف ، سوق بأسرع ما يمكن حتى تتخلص من هذا الهم بسرعة ،
الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.

القاعدة الثامنة:
من حقوقك الدستورية أن تركن أمام باب المحل الذي تريد أن تشتري منه ، اذا سبقك واحد ابن ستين في سبعين و ركن قدام الباب ، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل ، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟

القاعدة التاسعة:
من حقك أيضاً أن تخرج من مكان انتظارك في أي لحظة تشاء ، اكسر الدركسيون شمال و اطلع ، أي حد ماشي في الشارع لازم يقف لك فورا ً، راجع البند السابق.

القاعدة العاشرة:
إحترس من ثلاث أنواع من السائقيين بيسوقوا و كأنهم مش ممكن يموتوا:
1. العيال الروشين الي بيلعبوا Computer Games و فاكريين إن ممكن يكسبوا Life زيادة لو ساقوا أسرع.
2. موتوسيكلات توصيل الطلبات ( Home Delivery ).
3. سواقين الميكروباص.
ملحوظة: إوعى تحاول تثبت لحد منهم إن فكرته غلط. فاهمني!!!.

القاعدة الحادية عشر:
لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون ، و بعدين لما الطريق وراك يقف تحمي المجتمع من حادثة تانية.

القاعدة الثانية عشر:
الكناسين لازم يحللوا اللقمة الي بياكلوها ، حاول تنفعهم و ترمي أي حاجة من الشباك.

القاعدة الثالثة عشر:
لما تخلص سيجارة أوعى تحطها في الطفاية ، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ).

القاعدة الرابعة عشر:
من حقك أن تعبر الشارع في أي وقت و من أي مكان.

القاعدة الخامسة عشر:
اذا كان هناك سيارة قادمة اعمل نفسك مش واخد بالك و عدي براحتك خالص،ما تخافش، هوا حيقف، هو اهبل يدوسك و يودي نفسه في داهية؟
القاعدة السادسة عشر:
اياك أن تنظر نحو السيارات القادمة ، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.

القاعدة السابعة عشر:
حتى لو شفته أوعى تخاف - خصوصاً لو معاك مراتك - تبقى راجل ملو هدومك و تخاف من حته عربية؟ عرض قفاك و سيبه يتفلق.

القاعدة الثامنة عشر:
الرصيف ليس للمشاه ، بل لركن السيارات و فرشات الباعة الجائليين و المحلات... الخ ، لذلك يحق للمشاة السير في وسط الشارع ، لمزيد من الأمان ، راجع القاعدة السابقة.

القاعدة التاسعة عشر:
إذا كان الماشي من فئة النقل الثقيل ، فمن أبسط حقوقة إنه يمشي على أقل من مهله و يهتز براحته. واللي مش عاجبة الهز يدور على لوري يخبطة...

القاعدة العشرين:
لو ماشي على الطريق السريع او الدائري او المحاور لازم تعرف ان الاولوية للنقل الثقيل انه يمشي على يسار الطريق وده طبعا لسلامتك علشان يعرف يفضي الحمولة اللي معاه في الطريق وهو ماشي براحتة من ظلط وطوب ورمل فيراعى في مثل هذه الحالة انك تمشي بوسط الطريق علشان اليمين برده مخصص لركن البعض الاخر من السائقين اللي
عايزين يريحو شوية تحت المقطورة
ممنوع دخول emy
ممنوع دخول emy
emy
emy
ملاك مشرف
ملاك مشرف


رقم العضوية : 4
البلد - المدينة : egypt
عدد الرسائل : 2189
شفيعك : الملاك ميخائيل
تاريخ التسجيل : 03/07/2007

gamal رد: قانون المرور المصري الجديد 2009 ( فتح دماغك )

مُساهمة من طرف emy الخميس 26 فبراير 2009 - 13:55

بقى البيت بيت أبونا وال.... يطردونا
عموماً أنا خارجة وأبقى شوف مين تانى اللى هيع.... والمعنى فى بطن الشاعر وكمان كلاويه
بس عموماً قبل ما أخرج ومش هقفل الباب بحب أقولك موتنى من الضحك وأنا ماكانش ليا نفس أضحك النهاردة
وبكرة تندم ياجميل


(**********++++المسيح قام بالحقيقة قام++++**********)
لا تثقل يومك بهموم غدك فقد لا تجيء هموم غدك وتكون قد انحرمت من سرور يومك
Anonymous
زائر
زائر


gamal رد: قانون المرور المصري الجديد 2009 ( فتح دماغك )

مُساهمة من طرف زائر الخميس 26 فبراير 2009 - 22:17

شكرا لمرورك
يا emy
دة خوفا على سلامتك
اصل القانون دة خطر جدا
Admin
Admin
Admin


رقم العضوية : 1
البلد - المدينة : cairo
عدد الرسائل : 7832
شفيعك : الملاك ميخائيل
تاريخ التسجيل : 30/06/2007

gamal رد: قانون المرور المصري الجديد 2009 ( فتح دماغك )

مُساهمة من طرف Admin الخميس 26 فبراير 2009 - 22:53

واضح من الحوار المتبادل حرارة قانون المرور الجديد
فى نفس الوقت الموضوع موجود بالمنتدى من فترة
واتمنى لكما ولكل احبائنا فى المنتدى الاحتراس فى القيادة لان الغلطة فيها بتبقى عاقبتها سيئة
وخصوصا مع الشباب المتهور اللى واخدها جدعنة
بس لما بيقع بيبقى يالا السلام
فن القيادة بالعافية
على العموم شكرا يا مينا على تعبك
بس ياريت تعمل بحث الاول عن الموضوع اللى عايز تضعه حتى لا يتكرر
مشكوووووووووووووور :face:


(**********++++المسيح قام بالحقيقة قام++++**********)
rere: 

برجاء من القارئ العزيز ان كنت إستفدت واعجبك الموضوع إضغط على كلمة أعجبنى









كما يمكنك نشره لاصدقائك سواء على الفيس بوك او تويتر










وتقبلوا تحياتى










بيمن حبيبى صلى من اجلى
قانون المرور المصري الجديد  2009 (  فتح دماغك ) Pbucket
قانون المرور المصري الجديد  2009 (  فتح دماغك ) 61370010
قانون المرور المصري الجديد  2009 (  فتح دماغك ) Sampdb10
minakamal
minakamal


رقم العضوية : 1620
البلد - المدينة : مصر
عدد الرسائل : 15
شفيعك : الملاك ميخائيل
تاريخ التسجيل : 04/12/2009

gamal رد: قانون المرور المصري الجديد 2009 ( فتح دماغك )

مُساهمة من طرف minakamal الثلاثاء 3 أغسطس 2010 - 3:51

شكرا على جميع الردود
قانون المرور المصري الجديد  2009 (  فتح دماغك ) 17111

    الوقت/التاريخ الآن هو الخميس 18 أغسطس 2022 - 6:56