مره واحد راح يعزى فى واحد صحبه فهو ماشى فى الجنازه قابل بائع بطيخ فشترى واحده فالناس طول ماهيه ماشيه بتبوص للبطيخه وتقول كلنا لها راح رادد عليهم وقال محدش واخد منها حاجه
مرة واحد بيقول لمراته “اعملى محشى” فقالت له “ما بعرفش” قلها “ماليش دعوة” فراح الشغل ورجع لقى السفرة مليانة محشى قلها “مين اللى عمله؟” فقالت “معرفش” فأشتكى للبواب، البواب رد وقاله “الشقة ديه مسكونة” فقله “لاياعم أنا هروح شقة حلوان” فطلع الشقة لقى العفش محلول وهو نازل لقى أربع عفاريت بيغنوا “هنروح حلوان هنروح حلوان”
واحد غني بيتأتأ فراح رحله على حسابه مع اصحابه طول السكه قاعد يقول “ن ن ن” لمل وصلوا قالهم” نسيت الفلوس” فرجعوا طول الطريق قاعد يقول” ك ك ك” فلما وصلوا قالهم” كنت باضحك عليكم”
مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب
ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه
اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.
مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه اتنيل انت اللي كل يوم بتخش الثلاجة
دكتور عيون قاعد مع خطيبته في حديقه الاسماك معاه ورده قالها شايفه الورده دي
يا حبيبتي قالت له ايوه فرجع ايده لورا شويه وقالها طب وكده
----------- --------- --------- --------- ---------
في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف
التلميذ: مايرجعش حاجه يا استاذ
الاستاذ: ياابني استلف الف وبعديها الف تانيه
التلميذ : مش هيرجع حاجه يا استاذ
الاستاذ: اقعد يا ابني انت متعرفش حاجه في الحساب
التلميذ: انت اللي ماتعرفش ابويا
------------ --------- --------- --------- --------- --------- ----
واحد بلدياتنا دخل الجيش ووقف حراسة على بوابة معسكر عدى عليه الشاويش
وقاله:اللواء "فريد" جه؟
قاله : ماجاش يا شاويش "خميس" وبعد ساعة رجع له الشاويش خميس وسأله اللواء "فريد" جه؟
قاله لسه ما جاش. وبعد ساعة أخرى رجع له تانى وسأله اللواء "فريد" جه؟
قال له لسه ما جاش. وبعد ساعة جه اللواء "فريد"
قاله العسكرى : أنت فين!! دا الشاويش "خميس" حيخرب بيتك.
------------ --------- --------- --------- --------- --------- -----
واحد عصبي اتجوز واحده عصبيه, يوم الولاده... الولد بيقول للدكتور وسع إنت ..
إوعى إيدك ...أنا هأنزل لوحدي
------------ --------- --------- --------- --------- --------- -----
واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها نقطة تصير اسم عالم ذرة التاني قاله أنا غلب حماري الأول قله: الدولة هي قطر ولما تحط نقطة حتصير قطز أم التاني قاله هو قطز عالم ذرة؟؟؟؟؟ فرد عليه الأول يعني هي قطر دولة أوروبية؟؟؟؟
------------ --------- --------- --------- --------- --------- -----
مرة ولد صغير يروح كل يوم للبقال يقوله "يا عمو يا عمو عندك جبنه بيضه" الراجل
يقوله "ايوة يا ابنى عندى" يقوله "طيب ادينى جبنه رومى" تانى يوم "يا عمو يا عمو عندك قلم رصاص يقوله ايوة يقوله طيب ادينى قلم جاف. لما الراجل زهق يا عينى وطلعت عينه فقرر يشتكى لابو الولد. لما ابو الولد جه حكى له الحكايه قام قال للبقال "لا لا مايصحش الكلام دة ابدا اسمع انت معاك عصايه البقال قاله ايوة
!!قاله خلاص اضربه قلمين
------------ --------- --------- --------- --------- --------- -----
البوليس عمل كبسة على شوية شمامين و لفت نظره ان فيهم عيل صغير قوي واخد ركن لواحده وعمال يسحب , فقام مقرب منه و سأله: و الشمام الصغير اسمه ايه؟ قام الواد رد عليه و قاله : كنتلوب يا باشا.
------------ --------- --------- --------- --------- --------- -----
قابلت مذيعة اثنان مساطيل سالت الاول : مصر بالنسبالك
ايه ؟ فقال: مصر دى امى. ثم سالت الثانى :وانت مصر بالنسبالك ايه؟ قال:مقدرش اتكلم عن أم واحد صحبى
------------ --------- --------- --------- --------- --------- -----
واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى رد عليه واحد من اللى قاعدين قاله صح انا قابلت نفس الاسد ضربته بالقلم ايدى اتبلت
------------ --------- --------- --------- --------- --------- -----
مره واحد بيقول لواحد صاحبه اسكت مش انا حماتى ماتت امبارح قاله لا حول الله يا رب ماتت ازاى الست دى
قاله وانا واقف معاها فى البلكونه وقعت من الدور الخامس قاله لا حول الله يا رب دى موته وحشه قوى قاله لا ماهى ماوقعتش على الارض قاله امال ماتت ازاى قاله وقعت على سلك الكهرباء قاله يا ساتر يارب دى موته حشه قوى ماتت من الكهرباء طبعا قاله لا يا عم ماهى الكهرباء كانت مقطوعه قاله امال ماتت ازاى بس قاله اصل السلك نطرها فى حمام السباحه قاله لا اله الا الله ماتت غرقانه قاله بس يا عم اعوز بالله ماهو اول ما نزلت فى الميه الطشه رفعتها على منط الحمام وطلعت عندى فى البلكونه تانى قاله امال انت بتقول ماتت ازاى قاله اصلى لما زهقت قمت انقها
------------ --------- --------- --------- --------- --------- -----
مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن وتعرف ايه اللي جوه الدولاب.
وفي يوم راح الشغل ونسي المفتاح. مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحه كنت كل ماخونك أحط بيضة في الدولاب
الست قالت عشرين سنه جواز ومرتين بس مش مهم وسالته طب والعشرين الف جنيه
قالها كنت كل ماجمع كرتونه بيض ابيعها
------------ --------- --------- --------- ---------
قردين واحد حظه حلو و التانى حظه وحش قاعدين مع بعض فى الغابه وجعانين أوى فاللى حظهحلو بيقول للى حظه وحش أنا اعرف مكان شجرة موز وهم فى مزرعة واحد تعالى نروح ناكل منها قاله ماشى..لما وصلوا فاللى حظه حلو قال للى حظه وحش استنا انت هنا انا هاطلع اهزلك الشجره من فوق وانت لم الموز ماشى ,ماشى و طلع هز والموز وقع فالقرد اللى حظه وحش مسك أول موزه ولسه بيقشرها جه صاحب المزرعه راح ماسكه رازعه حتة علقه وهربوا,جم تانى يوم هايموتوا من الجوع قالوا: مابدهاش بئه راحوا وطلع اللى حظه حلو فوق وهز الشجره واللى حظه وحش تحت مسك اول موزه جه صاحب المزرعه راح ماسكه مبهدله وهربوا جه تالت يوم قاعين موحوحين قالوا ياروح مابعدك روحراحوا عالشجره فالمره دى اللى حظه وحش قال للى حظه حلو استنا انت هنا النهارده وانا هاطلع فوق.. ماشى؟, ماشى... وطلع فعلا وجه صاحب المزرعة هو وابنه،،فابنه مسك القرد اللى حظه حلو فابوه قاله لأ سيبه دانا ضاربه يومين ورا بعض هاتلى القرد اللى فوق ده
------------ --------- --------- --------- --------- --------- --
اتنين مساطيل قاعدين في استاد القاهرة ، واحد بيقول للتاني :تقدر تلفلي الملعب ده في اد ايه ؟ التاني : الفهولك في سجارتين
أحول سألوه ايه أمنيتك فى الحياه ؟؟ قال : أشوف واحد ماشى لوحده .واحد ندل أبوه طرده من البيت وهو خارج كتب على سور البيت مقر حركة طالبان .
واحد راح يخطب بنت من أهلها قالوله البنت دلوقتى بتدرس .. قال : يعنى أرجع بعد ساعه ؟واحد ماشى فى بيتهم خبط أمه قالتله : ايه مش شايفنى ؟ قالها : شوفتك بس مش فاكر فين .
اتنين محششين واحد فيهم بيقول للتانى : تصدق بالى مشغول ؟ ، التانى قاله : أيد السماعه مرفوعه .محشش بيسأل محشش تانى بيقوله : لو صحيت ولقيت نفسك ميت هتعمل ايه ؟ قام التانى قاله ده انا اتجنن يا جدع
.محشش بيسأل نفسه بيقول : انا مواعد واحده الساعه 2 ولا 2 الساعه واحده
محشش نازل من عربيته لقى الدنيا بتمطر قام لف و نزل من الباب التانى
واحد رجع فى كلامه خبط فى اللى وراه