كفتة الفراخ بصلصة البشاميل

كفتة الدجاج بصلصة البشاميل






المكونات والمقادير

صدر دجاجه مسلوق
نصف كوب بصل مطحون
ملعقة ثوم
ليمون اسود
ملح
صلصة البشاميل
اربع ملاعق طحين
ملعقه زيت، نصف كوب مرقة دجاج
بيضه
بقسماط
زيت للقلي


طريقة التحضير

نقطع الدجاج قطع صغيره ثم نحمس البصل والدجاج على النار ونضيف لهم الملح والزيت والليمون الاسود المطحون بعد ان ينضج نعمل البشاميل نسكب مرقة الدجاج في قدر ونضيف الطحين والزيت ونخلطه جيدآ حتى يكون مثل كرة العجين ونعجنه مع حمسة الدجاج بعد ذلك نكوره على شكل اصبع ونغطه بالبيض ثم البقسماط ثم يقلى

مش فاهمة أى حاجة يامونيكا مع إنى عجبنى شكلها وكنت ناوية أعملها لجوزى النهاردة بس هأجلها لغاية متفهمينى ولما جوزى يسألنى ليه معملتيش أكل النهاردة هقوله مستنية مونيكا ياريت تردى بسرعة يامونيكا علشان أنا قاعدة مستنية

فعلا أنا كمان مش فاهمة
بس واضح يا ايمى انها كبرت دماغها وسبيتك مستنية
علية العوض النهاردة
لأ دة حتى لغاية الأحد يا صبرك

اسفه اولا لتأخري في الرد لانشغالي في الفتره السابقة
علي فكره الموضوع سهل وبسيط..بنقطع صدر الفرخه المسلوق قطع صغيره ,وممكن يفرم بدل التقطيع وده يكون افضل..ونشوحه علي النار مع البصل والتوم ومعلقة زيت ونضيف له ملح وفلفل وعصير ليمون..لغايه الخليط مايستوي..
في اناء تاني بنعمل البشاميل بطريقته العاديه ..نضع معلقه زيت صغيره واربع ملاعق دقيق ونقلب شويه ونضيف المرقه بالتدريج مع التقليب المستمر مع اضافه قليل من الملح والفلف الاسود.. لحد مانلاقيه عمل عجينه, نرفعه من علي النار ونضيف له الفراخ بالبصل والتوم اللي احنا حضرناه قبل كده..نقلب الخلطه كويس ونشكلها اصابع ونغمسها في البيض المخفوق وبعدين نلفها بالبقسماط ونقليها في زيت غذير..بس خلاص وبالهنا والشفا

آهو أنا دلوقت فهمت بس إتأخرتى أوى يامونيكا ده أنا من ساعتها قاعدة مستنية
وعموماً فوفا بتهدى النفوس وبتقولى ديه كبرت دماغها وسبيتك تستنى بس إنت يامونيكا طلعتى جدعة ومسبتنيش إلا إسبوع بس من غير أكل وعموماً أهو كله لصالح الرجيم بس بعد الأكلة الرائعة ديه يامونيكا أكيد هعوض
ربنا يباركوا جميعاً
امين

ياللا جربوا فينا احنا بنستجمل ... يا ما جربتوا فينا .. امى جربت فى وزوجتى هرتنى تجارب وانشالله مرات ابنى برضه هاتجرب فيه... ههههههههه على البشاميل وخلافه