حكاية عن الام ايرينى

معلش استحملونى انا بحب احكى بالعامية . انا هاحكى حكاية خاصة بالام ايرينى رئيسة دير ابو سيفين المتنيحة قريب هى كان ليها اخ كانت بتحبه جدا وكان كبير فى السن وفى حياته كان انسان بيجب الخير جدا وفى يوم من الايام حالته الصحية تعبت اوى ودخل المستشفى وكان عايش من خلال اجهزة بمعنى انه لو اتحرك ونام على جانبه كان نفسه هايقف كان لازم طول الوقت ينام على ضهره .لكن فى يوم اتحرك وهو نايم وكل الاجهزة صفرت يعنى كان خلاص هايسيب الدنيا .الوقت دة كانت الام ايرينى بتصلى وكعادتها حست بأخوها انه فى شئ مش طبيعى وانه فى خطر فى الوقت دة حكى اخوها انه شاف فى الحجرة اطفال صغيرة كتير اوى قال انا خلاص روحت الفردوس الحمد لله وفى نفس الوقت سمع الاطفال بيقولوا هيلا بيلا يالا بسرعة وشالوه الاطفال وعدلوه ينام على ضهره تانى ورجع نفسه طبيعى تانى . هل تعلم من كانوا هؤلاء الاطفال ؟؟؟؟ اطفال شهداء بيت لحم ارسلتهم الام ايرينى لينقذوا اخوها . بركة صلواتها تكون معنا جميعا

قصة جميلة ياسمر
شفاعتها تكون معنا
آمين