سوف نغلق منتدى الملاك للأبد

مشرفتنا الغالية أيمى تحياتى لكى لحرصك على المنتدى
ولى تجربة غير سارة مهع الجروبات وهو جروب الملاك للكمبيوتر وكنت اعتز به كثيرا واخصص الوقت له وكأنه يجلب لى المال الوفير مع العلم انى كنت متخصص فى الردود على اسئلة واستفسارات الاعضاء من الجروب ومن الجروبات الاخرى عن عالم الكمبيوتر وافيد الناس بما قدمه لى الله مجانا فلم ارتفع عدد اعضاء الملاك جروب الى 710 عضو تم الغاء الجروب بدون سابق انذاؤ بحجة ان العدد زاد عن المسموح به للبريد المجانى . صدقينى اختى العزيزة انى حزنت كثيرا كموت صديق او قريب لى.
وقررت انى افتح نفس الخدمة لكن بتوسع مع الاجتماعيات والدينى فى منتدى الملاك . وايضا اقدم الكثير من الجهد والوقت فى البحث والدراسة لتوصيل خدمة على حسب اعتقادى ممكن تفيد الكثيرين. ولكنى لا اتشجع بسبب هذه الفكرة ان الاعضاء يدخلون ليأخذوا مع يفيدهم ولا يتركوا حتى كلمة شكر لمن تعب وارهق وضحى بالكثير من وقته وراحته لهم ولذلك اعتقد انه من الواجب عليه بعد اخذ موافقتكم على طرد الاعضاء التى يشتركون فى المنتدى ولكنهم لا يساهمون ولا يشعرونا بوجودهم معنا .. فياريت اجد الردود اللى تشجعنى او تسادنى على اتخاذ القرار والرب يعوض تعب محبتكم.. اخيكم جمال

أولاً ربنا يجازى أتعابك عنا وعن منتدانا وربنا يعوضك إن شاء الله
ثانياً أنا لاأوافق على طرد الأعضاء لانهم لايشاركون بفاعلية وده لإعتبارات كثيرة من أهمها إن فى ناس كتيرة أوى مبتعرفش إزاى تتعامل مع المنتديات وأنا كنت منهم وكنت بدخل وأخرج ومبكتبش ولاتعليق ولكن بفضل تشجيع زوجى لى على المشاركة بفاعلية فقلت وليه مجربش وبالفعل جربت ولاقيتها جميلة ومفيده ليا أنا شخصياً ويمكن بتكون بتفيد آخرين وهذا ما آمله
فياريت أستاذى العزيز بدل ماتفكر تطردهم فكر إزاى تشجعهم على المشاركة والتفاعل وده كما هيحسب ليك عند ربنا
وربنا يبارك فى مجهوداتك وتثمر ثلاثين وستين ومائة

+++حد زعلك ياعم؟؟؟

+++منقدرش على كده+++

+++لازم يستمر + إله السماء يعطينا النجاح ونحن عبيده نقوم ونبني. +++
يسوع المسيح معنا جميعا+امين امين يارب تعالى+++

ممكن اى انسان يقرا كلمة فى المنتدى تفيده وتغيره وممكن كمان تبدل حياته ودى اكبر فايدة للمنتدى كأنك بالظبط عملت عمل خير فى الخفاء ودة جزاءه عند رب المجد كبير.طيب تفتكر لو هو مش بيستفاد من المنتدى ايه سبب دخوله ؟؟ لازم يكون فيه شئ بيشده ومع تكرار التردد على المنتدى الفايدة هاتحصل بالتدريج وممكن الادارة هنا تساعد الشخص دة برسالة ترحيب او تشجيع او حتى تشركه فى بعض مسؤليات معينة فى المنتدى حتى ولو بسيطة دة هايفيده اكتر ويشجعه يشارك وكدة يبقى المنتدى ضرب عصفورين بحجر وكلامى دة عن تجربة شخصية والحمد لله تأثيرها كان مفيد عليا شخصيا . بلاش تحرم الناس من كلمة ربنا توصلهم من المنتدى .معلش انا طولت بس هاقول مثلا ابونا لما بيوعظ فى القداس او اى اجتماع ممكن كلمة منه تفيد اى حد بيسمعه صعب هو يطلب من الناس ان اللى مش هايشارك فى خدمة الكنيسة مايدخلهاش لكن كفايا ان الفايدة الاساسية حضوره فى مكان موجود فيه كلمة ربنا وبعدها عمل الروح القدس هايشتغل . ربنا يعوض تعب محبتك وخدمتك للناس

بجد انا متشكر للردود وخاصة رد اختنا المشرفة Samar - f
صحيح لو ابونا هايطرد غير الملتزمين تبقى كارثة على العموم انا هاستمر وباطلب صلواتكم للمنتدى والقائمين على العمل به ومتشكر انرتم لى الطريق

انا بضم صوتي لصوت اخواتي في المنتدي بعدم استبعاد الأعضاء الغير مساهمين , لكل ماسبق ..ولا داعي لذكره لعدم الإطاله عليكم..وفرحانة جدا بالنتيجة اللي وصل لها الباشمهندس في الاخر..وربنا يبارك في هذا المنتدي وكل المشاركين فيه ..ويعوض تعبك خير ياباشمهندس

بجد مجهودك ياستاذ جمال فى المنتدى حاجة لا توصف وكلمة شكر قليلة جدا عليها وربنا يباركك
لكن انا كمان مع راى اخواتى عدم استبعاد الاعضاء لان لو حضرتك عملت كدة يمكن كنت ها ابقى انا اول واحدة تستبعد من المنتدى ولكن بفضل تشجيع حضرتك لى انا وصلت للمرحلة دى
فا انا فى راى ان كلمة التشجيع دى بتبقى دافع كبير اوى للناس دى وناس كتير بتبقى محتاجاها
وربنا يبارك تعبك فى المنتدى
اللة لاينسى تعب المحبة
وربنا بيعرف يعوض اضعاف اضعاف