ترنيمة هناك على نهر الأردن : كل سنة وإنتم طيبين بمناسبة عيد الظهور الإلهى (عيد الغطاس)

ترنيمة رائعة بجد كل سنة وإنتوا كلكم ياأسرة المنتدى والمسيحين كلهم بخير وربنا يباركنا ويرعانا لأننا نحن رعيته وجبلة يديه

كل سنه وكل جروب المنتدى طيب وبخير ........ ترنيمه جميله جداااااااااااااااااا ونفسى اعرف ازاى اقدر اشارك بحاجه زى كده عندى حاجات كتير لكن للاسف مش بعرف اشارك بيها .......... عيد غطاس سعيد على كل الناس مع احلى اقداس واطعم عودين قصب وحله قلقاس [i]

فى الاردن كان الغطاس

وفى مصر القصب والقلقاس

وفى السيد المسيح الخلاص

ايمى

جميله ربنا يعوضك تعب محبتك

وكل سنة وانتى واسرتك بخير وسعادة

ميرسى ياريرى على التهنئة وكل سنة وإنت بخير وبجد وحشتينى ووحشتى المنتدى كله أما أخونا ابى حربة فالحقيقة مشاركتك رائعة وجميلة وإذا كنت عاوز تعرف إزاى تشارك بموضوع فيديو زى الترنيمة فإليك الخطوات التالية
1- أدخل على اليوتيوب وإختار الشئ المراد إرساله للمنتدى
2- إختار المنتدى الذى يناسب الموضوع
3- تختار إضافة موضوع جديد
4- ترجع تانى لليوتيوب وتعمل نسخة من العنوان المكتوب فى الشريط اللى فوق (عنوان الحاجة اللى أختارتها)
5- ترجع للمنتدى هتلاقى فى شرائط الأدوات شريط زى شريط السينما تضغط عليه هيديلك خانة فاضية تضع فيه العنوان اللى أخدته من اليوتيوب
6- تظغط Ok
ربنا يوفقك إن شاء الله علشان نستمتع بالمشاركات الرائعة بتاعة حضرتك وآسفة للتطويل

كل سنة وإنتم طيبين

على نهر الاردن ظهر التثليث بوضوح شديد الابن ( السيد المسيح ) فى نهر الاردن يتعمد من يوحنا المعمدان لكى يكمل كل بر كما قال السيد المسيح ليوحنا والاب من السماء يقول هذا هو ابنى الحبيب الذى به سررت والروح القدس مثل حمامه تستقر على الابن ( السيد المسيح ) وهو فى الاردن
ما اجمل هذا المنظر