الرئيسية
أحدث الصور
الان يمكنك دخول المنتدى عبر حسابك على الفيس بوك
من طرف 
صوم الميلاد اساسه اننا مستنيين ان المسيح ييجى
والكنيسة مستنية المسيح اللى جاى "حين يُرفع العريس عنهم فحينئذ يصومون"
فاحنا صايمين عشان هو ييجى كأننا بنقول يلا بقى تعالى
احنا صايمين مستنيين فى حالة صوم مش فى حالة حزن
واكتر ناس فرحوا بالميلاد هم المجوس والرعاة والميزة اللى كانت بتربطهم هى "السهر"
1- الشاطر اللى يبدر ميعاد صحيانه 1/2 ساعة او يأخر ميعاد نومه 1/2 ساعة، وتبقى قاعد مع ربنا الفترة دى وتبقى "سهرت" زى المجوس والرعاة، يعنى بتصلى باكر .. خليهم باكر والثالثة، بتصلى مزمورين .. خليهم 5، 6
2- اللى يقلق فى 1/2 الليل لأى غرض، يعد 10دقائق مع ربنا ويرجع ينام تانى
فكرة انك تصحى مخصوص لربنا او تبكر بدرى "من يبكر إلىَّ يجدنى" ده مبدأ روحى
3- اللى يصوم يصوم بطنه و"لسانه"، لو بتتكلم كتير يبقى لسه متعلمتش الصوم.. خد مبأ انك "تقلل الكلام" اقلل الكلام مع الناس عشان اتكلم اكتر مع ربنا
4- بخصوص الأكل قوم شبعان بس متاكلش لقمة زيادة بعد الشبع، خد احتياجك بس من الأكل واستكفى
5- حاول على الأقل، تقضى ساعتين تسبحة فى الأسبوع فى شهر كيهك
6- خلى عندك صورة للعذراء فى البيت، اقعد قدامها 5دقائق كل يوم، مجرد قعدتك قدامها هيحرك جواك حاجات حلوة
7- موسى صام الـ40يوم عشان يستلم كلمة الله، فالمفروض احنا برده ننشغل بكلمة الله، فزود زقت قرائتك للإنجيل وضاعف قعدتك مع ربنا ..
لإلهنا كل مجد وكرامة إلى الأبد.. امين
