وداعا ابونا فانوس راهب اليد المضيئة "سيرته وقصة حياته "

قصة حياة هذا القديس المعاصر
قصة حياة ابونا فانوس +++
( قديس معاصر بدير الانبا بولا بالبحر الاحمر)
من مواليد قريه دفش مركز سمالوط محافظه المنيا
والاسم قبل الرهبنه ( بولس هارون الدفشي) له اخ اكبر اسمه
حنا هارون وله اخت تسمي مريم
**رسم راهب في 20/4/1947
كما رسم قسا في يناير 1951
كما رسم قمصا في يوليو 1951
تنبح يوم 19/4/2016الساعه ا مساءا
******************************
قالت إحدى الزائرات : انا بحب اابونا فانوس وسلمت عليه كتير اوي ،
ومرة من المرات مسك موبايلي وكانت ايديه فيها زيت اوي والموبايل
اتملا زيت من مطرح ايدو وقعد يقفل ويفتح ف الكاميرا الخلفية ويدوس على كل الزراير وكان شكلو عسل اوي زي الطفل الصغير اللي بيلعب بحاجة فايدوو وبعدين سألني اذا كان في ترانيم ونا كنت مسجلة ترنيمة بصوتي وقعد يسمعها للاخر كل الناس كانت عمالة تكلمو وتطلب منو حاجات وهو مش سامع اي حد سامع الترنيمة بس لدرجة ان الناس كمان كلها سكتت وقعدت تسمع الترنيمة هي كمان عشان عايزة تتكلم معاه فمكانش ادامهم غير كدة,,,,,,,,!! ولما خلصت الترنيمة قعد يقولي جدعة وكنت مبسوطة اوي اوي وكل اللقاء دة متسجل فيديو ولحد دلوقتي بحب اتفرج عليه ابونا فانوووووووووس عسل اوي وبركة كبيرة
********************
طبعا عارفين ابونا القديس ابونا فانوس صحيح لما نقول
سبحوا الله فى جميع قدسيه
صفوت شاب بعيد عن الكنيسة كان ليه اب راهب قريب العيلة
فى دير الانبا بولا بالعفية ابونا اقنعه انه يعمل خلوة فى دير الانبا بولا المهم راح 4 ايام وفى اليوم الاخير حب يحضر التسبحة صفوت : ابونا اليشع نفسى احضر التسبحة فى حاجة كده مخليانى عاوز احضر
ابونا اليشع : كويس طيب انا هجبلك كشاف تمشى بيه بالليل
وانت رايح التسبحة راح ابونا وجاب الكشاف
ابونا اليشع : يوه!!!!؟ الكشاف شكله بايظ وما فيش فيه بطارية؟؟؟؟
حاول تصلحه وانا هجبلك البطارية
ابونا : مش نفسك تسلم على ابونا فانوس .. صفوت : وايه يعنى ؟؟؟عادى .. ابونااليشع : بس تعالى .. وفعلا راحوا قلاية ابونا فانوس
ابونا فانوس بركة وبسيط .. ابونا اليشع : سلام يا ابونا فانوس انا معايا ضيف من مصر ويريت قدسك تصليله .. ابونا فانوس : ضيف!!!!!؟
ابونا اليشع : ايوة من مصر وجاى خلوة .. ابونا فانوس : وايه اللى
فى يدك ده يا صفوت .. صفوت سمع اسمه اتسمر مكانه!!!!؟؟؟
ازى عرفه اسمه؟؟؟؟ صفوت : ده كشاف ابونا اليشع ادهونى علشان امشى بيه الليل من المبيت الى التسبحة بس الكشاف بايظ
و ما فيش فيه حجارة (بطارية)
ابونا فانوس : اه اه هات ورينى .. مسك ابونا فانوس الكشاف ..
مش ممكن .. ايه ده يا رب .. راح الكشاف نور .. صفوت اترعب ..
ازى الكشاف البايظ ينور .. وطبعا ابونا اليشع عارف كويس بركة
ابونا فانوس وعارف كويس ان ربنا هيشتغل مع صفوت .. ربى والهى يسوع المسيح اشكر يا رب على كل قدسيك اشكرك لانك تسمح بان قدسيك المتشابهين بالملائكة معنا على هذة الارض ..
حقا يا رب اسبحك فى قدسيك لك كل مجد وكرامة امين ...

وداعا ابونا فانوس
رحل أمس أشهر رهبان الكنيسة القبطية المصرية، أبونا فانوس راهب دير الأنبا بولا، بعد 70 عامًا من حياة الرهبنة في صحراء البحر الأحمر، وقد ذاع صيته كقديس معاصر له العديد من المعجزات، وكان يستقبل المصريين -مسلمين وأقباطًا- بحفاوة وترحيب.
ومن القصص التي تحكى عنه أنه في بداية رهبنة أبونا فانوس في الدير، كلفه رئيس الدير ببعض المهام منها نظافة الحمامات في الدير، وكانت هناك زائرة رأت يديه متسختين فرفضت أن تحييه أو تسلم عليه أو تقترب منه، ولكن من أجل اتضاعه وخدمته كافأه الله بإضاءة يده، ومن وقتها وحتى وفاته لم تنطفئ أبدًا، وكان يلبس في يده جوربًا حتى لا يرى الزائرون ذلك النور تواضعًا منه.

رحم الله أبونا فانوس وعوض مصر وأقباطها خيرًا.

يذكر أن صلوات الجناز تقام اليوم الثلاثاء فى تمام الواحدة من ظهر اليوم ، من دير الانبا بولا بالبحر الاحمر عقب قداسا الهيا.