سؤال وياريت الإجابة

سؤال مهم
أعزائى إخواتى أصدقاء المنتدى أريد أن أطرح عليكم سؤال وياريت كلنا نشارك فى الرد
هل الصلاه تساهم فى تحقيق إرادة الله أم إننا نصلى لكى نتواصل فقط مع الله وان إرادة الله ستتحقق بصلاتنا أو بدونها
بركة المسيح مع جميعكم
أمين

الصلاه تخلق لغه حوار بينا وبين الله

الصلاة بالتاكيد بتساهم فى تحقيق ارادة اللة مش مجرد اننا بنتواصل مع اللة فقط والا صارت الصلاة شئ روتينى وماكنش ربنا طلب مننا انة ينبغى ان نصلى كل حين ولا نمل
والدليل على كلامى من الكتاب المقدس كثير
فمثلا الصلاة غيرت خطة اللة لشعب نينو بعدما قرر اللة ان المدينة تهلك بعد اربعين يوم
بمجرد ان الشعب صلى وناح وتواضع واعترف بالخطية قدام اللى يقول الكتاب
ندم اللة عن الشر (يونان 3)
وكمان قصة استير وشعبها
ورجوع الرب عن هلاك لوط واسرتة بسبب صلاة ابراهيم
وفى حزقيال (8) قصة رائعة حابة انى اشارككم بيها
عندما ربنا ارسل الى حزقيال نبى وقالة انت ها تموت
حزن حزقيا جدا وصلى الى الرب وقالة اذكر يارب كيف عشت امامك بامانة قلب وبكى بكاء شديد
فسمع اللة صلاتة واستجاب
وزود على ايامة 15 سنة كمان واحياة
وبكدة تكون اتغيرت خطة اللة بسسب الصلاة
احبائى قد اية احنا محتاجين ان اعيننا تنفتح على محبة اللة لينا وندرك قد اية ربنا موجود وحى وبيسمعنا فى اى وقت
ومحتاجين نصدق فى ان الصلاة تصنع المعجزات
سامحونى طولت عليكم
وربنا يساعدنا
وما علينا ان نطلب من ربنا ان يفتح اعيننا فنرى عجائب من شريعتة

ردك أكثر من رائع ياتينا وأنا معجبة جداً بيكى وبمدى إلمامك بالكتاب المقدس رغم صغر سنك إلا أن فكرك عميق جداً ربنا يباركك
أما بالنسبة لموضوع الصلاه فأنا معاكى جداً ياتينا بأن الصلاه ليست مجرد صلة إنما هى تواصل مع الله ومحاورة دائمة تجعلنا نلمس ابوته الحانية وتجعلنا نؤثر على قلبه الحنون فيرق لنا ويجيب مطالبنا كأى أب يحب أولاده وحتى إن لم يستجيب لنا فيكون هذا لصالحنا رغم إننا بنتضايق أحيانا ونتذمر إلا إننا بفكرنا المحدود نفكر أما هو الله الكلى القدره يعرف جيداً ماهو الصالح لأجلنا
أمين

انا متشكرة جدا ليكى
ولكن فى حاجة احب اكمل بيها كلامك الحلو دة
كاتب المزمور قال (انما خير ورحمة يتبعانى كل ايام حياتى)
وهنا يمكن ان نطرح السؤال
ما الفرق بين الخير والرحمة؟؟؟؟؟؟؟؟؟؟؟؟؟
انا لما اطلب حاجة معينة من ربنا وربنا يستجيب للطلب دة ويعطية لى دة هو الخير
ولكن لما اطلب من ربنا حاجة وربنا يمنعها عنى دى هى الرحمة
ودة تعليقى على كلمتك وهى ان اللة فكرة غير محدود من ناحيتنا وهو بيعمل الصالح لينا
لكن اللى احنا محتاجينة اننا ندرك صلاح الرب يسوع لينا
لان كل الاشياء تعمل معا للخير للذين يحبون اللة