لماذا ننشئ منتدى ؟

بالطبع المنتدى عبارة عن تجمع مجموعة من الناس فى اقسام عديدة كل واحد ممكن يدخل اى قسم ويشارك فى الموضوعات المطروحه برأيه ويمكنه وضع موضوع يدور فى ذهنه ليضعه امام الجميع ليبادلوه الرأى والمشورة وفى النهاية الكل كسبان بخبرات الكثيريين ويمكنه ايضا من طلب اشياء يمكن لغيرة ان تكون موجودة عنده ويحتاجها فيعطيها له بمحبة.. وياريت هذا المنتدى الجميل ان يضيف قسم موجود باوربا الكثير منه وهو البيع والشراء للاشياء التى لايحتاجها كل واحد منا وبدل من الاحتفاظ بها يعرضها للبيع ويستفاد بها اخر محتاج لها وشكرا لكم

وهو ده اللى أنا قصداه ياأستاذى العزيز إن إحنا نتبادل الخبرات واللى أكيد كلنا هنستفيد منها ولوماكنش فى الوقت الحالى لكن كمان ممكن نستفيد منها فى المستقبل وده بجد اللى حصل معايا أنا شخصياً أما بالنسبة لموضوع تبادل الأشياء أو بيعها وشراءها من خلال المنتدى فديه بالنسبة لنا فكره جديدة وياريت نطرحها للمناقشة وكلنا نبدى رأينا إذا كان ممكن ولا لآ

طبعا دى حاجة كويسة ولكن الاحلى من كدة ان انا وانا موجودة فى بيتى عرفت خدام وخادمات حلوين خالص زى تاسونى ايمى بتفيدنا فى حاجات كتير ربنا يعوض تعب محبتكم

أهلاً بيكى أختنا الغالية أمانى فى منتداكى ومنتانا منتدى الملاك وشكراً جداً على مجاملتك الرقيقة لشخصى الضعيف وأكيد إن بإنضمامك لنا إضافة كبيرة
فإلى مزيد من المشاركات وأتمنى أن تتعرفى على جميع خدام هذا المنتدى فإنهم سيسعدون بذلك
ولكن لاتنسى أن تذكرينى فى صلواتك

بجد موضوع رائع ومشجع جدا على المشاركة وعاجبنى اوى تبادل الارائ فيما بينكم والمحبة المشتركة
لكن انا راى ايضا انة عن طريق انشائ منتدى مسيحى
ذلك بيكون فرصة رائعة بيها كل شخص يقدر يوصل رسالة مبشرة ومفرحة لكل انسان محتاج لكدة
وانا عندى اصحابى كتير بمجرد ما اقولهم على المنتدى ويدخلو ويشوفوا موضوعاتة بيعجبهم جدا ودة لان فى رسالة ربنا بيستخدم كل عضو فى المنتدى انة يقدمها لكل شخص محتاج انة يسمع الكلام دة شكرا ليكى جدا ايمى
ربنا يبارك حياتك

أهلاً بيكى تانى فى المنتدى ياتينا وبآرائك المشجعة وكل سنة وإنت طيبة

:suspect:
الحقيقة انى اكتشفت اننا بنعمل المنتدى علشان ناس تدخل تنقل برنامج او تاخد عنوان او حتى ترد بكلمة بسيطة من باب ذر للرماد بدون ان نحاول ان نشكر كل من تعب فى ايصال معلومة او اجتهد وحمل برنامج ليصل الى الناس ناظرا الى الله الذى يعوض تعب محبته نظير وقته ومجهوده الذى يبذله دون ان يشكره حتى من اخذ هذا البرنامج واستفاد منه فبرجاء كلمة شكر وتعبير رقيق يسعد كل شارك والرب يعوض تعب محبتكم