الموضوع كما جاء بالفيس
شكرا لفيس بوك اسهم فى تحويل أمين شرطة "غير أمين " للتحقيق 11226554_10156140234475114_8022873195914094938_n
امين الشرطة ده مسؤول عن حماية #كنيسة_القديس__مارجرجس_العجوزة.... اللي حصل انه وانا خارجه من الكنيسه راح بصوته العالي وبجاحته راح قايل (أيييه يا مزه) فا انا من صدمتي!!!! انه اللي قاللي كده امين شرطة وكمان المفروض انه مسؤل عن حماية مكان مقدس وبيت ربنا مشيت وبعد ما مشيت قولت ده قليل الادب ولازم المسؤلين عن الكنيسه يعرفو انه متحرش ولسانه طويل ولو اي حد في الشارع عادي قال كده كنت هعديها ماهو الصيع كتير انما هو بذات ببدلته مينفعش يقولي كده روحت دخلت اشتكي في الكنيسه لقيت اللي جوا كلهم لا حول ليهم ولا قوة بس ارتحت اني مكنتش سلبية وعملت اللي عليه مع ان فراش الكنيسه قالي (ده حكومة هنعملو ايه ) !!! أمين شرطة بقي حكومة أقل رتبة في الشرطة الفراش خايف منه اومال لو ظابط اغتصب واحده في الشارع هنقولة حقك يا باشا ولا ايه؟؟؟؟؟ .. بعد ما خرجت من الكنيسه لقيته شغال يضحك ويقوللي ها عملتيلي ايه روحت انا وقفت طلعت موبايلي وبصورة راح قاللي ممنوع الصور هنا روحت انا قولتله لا انا بصورك انت عشان اخليك عبرة أنشاء الله .. ومشيت وسيبته روحت اركب عربيتي راح الراجل اللي جمبه في الصورة جه وهو بيعتزرلي ومعلش وخليها عليكي قولتله يعني يرضيك يا فندم انه واحد يقول كده وهو واقف المفروض انه بيحمي الناس وبيت ربنا وفي الكلام ده هو جه وسمعني راح قاللي بيت ربنا هههههههههههه قال بيت ربنا وقام مطلع موبايلو ومصورني وبيقولي (انا هصورك عشان انتي لابسه لبس يخليني اتحرش بيكي جنسيا ) والناس كلها وقفت تتفرج ويشدو فيه يمشي مش راضي يمشي ووقف يبلطج عليا في الشارع وأدي الشرطة بتاعتنا النضيفه الرجالة ولاد الناس اللي بيحمونا ويحافظو علينا وأدي الناس اللي مختارينها تأمن بيت ربنا سواء كنيسة او مسجد هو اصلا مش معتبر الكنيسه بيت ربنا
شكرا لفيس بوك اسهم فى تحويل أمين شرطة "غير أمين " للتحقيق 12115738_10153020287187000_213935746073811373_n
://)
قال مصدر أمنى بوزارة الداخلية، إنه تمت إحالة أمين الشرطة المسؤول عن تأمين ‏كنيسة القديس مارجرجس بالعجوزة‬، والمتهم بالتحرش اللفظى بفتاة، إلى قطاع التفتيش والرقابة للتحقيق فى الواقعة.


وقالت صاحبة الواقعة سارة عماد، عبر صفحتها على "فيسبوك": أمين الشرطة المسؤول عن تأمين ‏كنيسة القديس مارجرجس قال لى وأنا خارجه من الكنيسة بصوت عالى "إيييه يا مزة"، مضيفة: "مش هسيب حقى ولازم يتم التحقيق فى الواقعة لأن مينفعش اللى بيحمينا من المتحرشين يتحرش بينا".